സ്കൂൾ മുറ്റം നിറയെ
മറന്നുവെച്ച
ബാല്യങ്ങളുടെ കൂട്ടകരച്ചിൽ !

---

മനുഷ്യൻ
വിശുധനെന്നു എത്ര
വേഷം കെട്ടിയിട്ടും
മായുന്നില്ല കണ്ണിൽ നിന്നും
അശ്ലീലത ! ഛെ

--

ഒളിച്ചേ, കണ്ടേ
മരം ചുറ്റി പ്രണയിച്ചു
രാവും പകലും !
--

കണ്ണാടി

മിനുക്കിയിട്ടും കണ്ണാടിയിൽ
പ്രതിബിംബിക്കുന്നത്
ഹൃദയത്തിന്റെ വൈരൂപ്യം !

എവിടെയായിരുന്നാലും
പ്രതിബിംബമായി
കൂടെ കാണും
നിന്റെ കടലാഴത്തിലും ഞാൻ !

ശിഖരങ്ങൾ വെട്ടി കളഞ്ഞോളൂ
എന്നാലും,
നീ പോകുന്നിടത്തെല്ലാം
തണലായിഎന്റെ നിഴൽ വീഴും !

ഏതു ഗ്രീഷ്മത്തിലും
കോരിയെടുക്കാൻ
ഓരോ ശിലയും ഒളിപ്പിക്കുന്നുണ്ട്
ഒരു ജലാശയം !

വ്രതം
____

പറഞ്ഞതെല്ലാം ഞാൻ
ഉപേക്ഷിച്ചിരിക്കുന്നു.
എന്നീട്ടും
കഴിയുന്നില്ലല്ലോ
നിന്നോടൊപ്പം വരാൻ !***

നമസ്കാരം
____

തിന്മകൾക്കെതിരെ
രാജിയില്ലെന്ന് നീ
എടുപ്പിക്കുന്ന
സത്യപ്രതിജ്ഞ.
പക്ഷെ, സലാം ചൊല്ലി
മുസല്ല മടക്കുംപോൾ
മറന്നു പോകുന്നല്ലോ
നിന്നെ ??***

ജ്ഞാനം

സുഗന്ധമീ പഴത്തിനകം
ഒരു പുഴുവിന്‍ജീവല്‍ സ്പന്ദനം !
നിന്റെ കരവിരുത് !